مريض كل اللى يزوره يقعد يضحك يا ترى ليه ؟؟؟

جلس ذلك الرجل على السرير الأبيض ... في إحدى المستشفيات وكان كل جسمه شاش ورجلينه كلها جبس
وما تسمع إلا الآهات
كل اللي يعمله يصرخ أه أه أه
من الأوجاع اللي فيه
أنا قلت يمكن إنه عامل حادث قوي
أو دخل في قطر
أو إنه محروق أو أو أو ... إلخ
المهم جت الساعه 4 العصر
وبدأ وقت الزياره
أنا أستغربت من شي غريب جدا
وكل اللي يجي يزور ه يطلع من عنده ميت من الضحك
أنا جاني الفضول وقلت ايه الحكايه؟
وبقينا ع الحال ده كل من جاء وسلم عليه ما تسمع إلا ضحكهم من وراء الستاير
أنا قلت لازم أعرف ايه الحكايه
...
انتهى وقت الزياره
ووقفت على طول !
ورحت أقوله سلامتك
وان شاء الله خير ومن الكلام ده
وأنا كل همي أعرف ليه يضحكوا ؟
المهم قلت له : أنا مش عارف ليه كل اللي يزورك أول يخرجوا يموتوا من الضحك من و ضحكهم جايب آخر المستشفى !
قال لي : هههههههههه ليـه حاسدنا على الضحكه ؟
قلت له : لا يـاأخي مش كده والله لو عندك مليون كان يمكن أحسدك !
بس إضحكوا عادي وخذوا راحتكم بس نفسي أعرف السر يعني ؟
لو مفيش مانع .
قال لي : طيـب ولا يهمك ... أنت زي ما شايفني مكسر ومربط بالشاش .
قلت له : أيـوه والله ... الله يشفيك .
قال لي : احكيلك الحكايه أنا ساكن في شقه في الدور الثاني ، وعندي بلكونه ،
ولما أنام بفتح باب البلكونه وأطفي النور واستعد للنوم العميق على السرير .
ولما نمت على السرير . ورحت في سابع نومه
حلمت اني في يوم القيامه ! وحلمت زي ما تقول ان الناس في مكان زي موقف الاتوبيس في التحرير
وفيه أتوبيسات
رايحه للجنه
وأتوبيسات رايحه للنار !!!
المهم الجماعه بينادوا بالأسامي .. فلان بن فلانه أتوبيس النار ... فلان بن فلان أتوبيس الجنه ..
وهكذا ...
فلان بن فلانه .. ده أسمي .. وقلبي يـدق و يـدق .. روح
أتوبيس الجنه ..
اوووه الحمدلله أرتحت .
الحمد لله
ومشيـت أدور على الأتوبيس اللي مكتوب عليه
إلى الجنه ...
وحصلته ودخلت فيه .
مشيـنا بالأتوبيس وبعد فترة جاتنا لوحه مكتوب عليها
(( الجنه 50 كيلو ))
، (( النار 100 كيلو ))
وفضلنا مع اللوحات .. وعدينا الجنه ...
قلت يمكن السواق يـعرف مكان لباب ثاني .
شويه وشفت النار
15 كيلو ...
وبعد شويه النار
10 كيلو
وكل شويه نقرب من النار .
وأسأل نفسي ايه الحكايه ؟ .. المشكله الناس ساكتيـن
ومفيش حد قلقان في الآتوبيس إلا أنا .
قلت أروح للسواق وشفته مديني ظهره ...
أنتا ياعم
رايح فين الله يخرب بيتك ؟
قال لي بدون ما يلتفت : رايح النار يا حبيبي .
قلت له : أنا من أهل الجنه ياعم ..
وليـه توديني النار يا وش النحس ؟!
وألتفت لي ... طلع هو إبليس !!!
الله يلعنك .
أنا من أهل الجنه .. يا ملعون توديني النار ليه..
أنا من أهل الجنه .
والله العظيم إني من أهل الجنه ،
لسه من شويه قايلين إسمي ،
وقف يا ملعون ، وقف يا ملعون .
وفضلت أصرخ
... وهو بأنواع الضحكات الشريره
هاهاها ... هاهاها ... هاهاها ...
قلت له : يا ملعون وقف !!! عايز أنزل !!!
قال : والله الأتوبيس مبرمج على انه ما يوقفش
إلا في النار ...
عايز تنزل أرمي نفسك منه .
وجريت على الباب وفتحته ... وهوووب
ولا شوفت حاجه غير إلا في المستشفى ...
رميت نفسي
من البلكونه ... في الشارع
هههههههه
علشان كده محدش ينام من غير غطه
واتعذبن من الشيطان
منقووووووووووووووووووووووول